Tuesday, June 09, 2009

नाही वाचता गं आला

नाही वाचता गं आला
तुझ्या मनातलं तुझ्या
नाही ओठावर येतं
तुझ्या मनातलं सारं
तुझे डोळे सांगतात।

तुझे डोळे सांगतात
तुला म्हणायचं काय
अनवाणी फिरतात
तुझे तुझ्या दारी पाय

तुझे तुझ्या दारी पाय
कसे वाटतात फुलं
तुला पाहूनिया सखे।
मला पडते गं भूलं

मला पडते गं भूल
आता सांगू तरी कुणा
कशा टाळू सांग सखे
तुझ्या नजरेच्या खुणा

तुझ्या नजरेच्या खुणा
माझ्या काळजाच्या आत
त्याच काळजाचा केला
तूच अचानक घात

तूच अचानक घात
केला असा कसा व्यर्थ
नाही वाचता गं आला
तुझ्या डोळ्यातून अर्थ


गणेश एस.भाकरे
नागपूर

माझ्या कवितेच्या वहीत

माझ्या कवितेच्या वहीत
रंगा गंधांची उधळण
काळोखाच्या पानोपानी
शुभ्र चांदण्याची पखरण...

माझ्या कवितेच्या वहीत
अर्थ शब्दांचे उलगडे
कधी हरवलेला चेहरा
माझा मलाच सापडे...

माझ्या कवितेच्या वहीत
माझे जगण्याचे बळ
वाळवंटी वाटेवर जणू
गर्द सावलीचे स्थळ

माझ्या कवितेच्या वहीत
अजून असे बरेच काही
जे शब्दापल्याडचे
शब्दात मावत नाही...

संदीप वाकोडे
सिरसो विभाग
मूर्तिजापूर, जि. अकोला

Saturday, May 09, 2009

तोच क्षण होतो

काही क्षण जगणे जगवतात
तर काही क्षण जगणे संपवतात
या जीवन मृत्यूच्या क्षणांतला
एक क्षण मात्र आगळा-वेगळा
आतुर असतो फुलायला
तुझ्या माझ्यातल्या दुव्यातला
तोच क्षण होतो मग, पाकळी-पाकळी
ना गळणे, ना कळी कळी!
हाच क्षण ओवाळतो आदी अंताला
तुझ्या माझ्यातल्या निरांजनाला
तोच क्षण होतो, सूर्य कोटी-कोटी
ना विझणे, ना रश्मी!
हाच क्षण बरसतो अवनी अवनी
तुझ्या माझ्यातली अंकुर रोवणी
तोच क्षण होतो, अवघी सृष्टी सृष्टी
ना पानगळ, ना पालवी-पालवी!
हाच क्षण झुलतो, जन्मो-जन्मी
तुझ्या माझ्यातले मनो-मीलन
तोच क्षण होतो, पुन्हा सप्तपदी
ना निरगांठ, ना अग्नी-अग्नी!
क्षण हाच तो, पुन्हा झेपावता अंतरिक्षी
तुझ्या माझ्यातल्या नभांगणी
तोच क्षण होतो, मन गगन-गगन
ना तारांगण ना क्षितिज मीलन-मीलन!

-राज मेहर
नागपूर

Friday, April 17, 2009

एक डाव धोबी पछाड़ (२००९)


[2dgke29.jpg]

Ek Daav Dhobipachad 2009 Marathi Movie Download :

Cast: Ashok Saraf, Subodh Bhave, Prasad Oak, Mukta Barve, Madhura Velankar, Pushkar Shrotri, Sanjay Mone, Vinay Yedekar

Ek Daav Dhobipachad 2009 Marathi Movie Download : 1CD * PDVDRiP * XviD :


About Me

My photo
अमरावती - पुणे, महाराष्ट्र, India
इथे तुम्हाला मराठी माणसाच्या जीवणातील विनोद, प्रेम, स्वभाव, राग, आनंद, द्वेष आणि अशी अनेक रुपे कवितेच्या माध्यमातून वाचायला मिळतील. या इंटरनेट आणि इंग्रजीच्या युगात आपली माय-मराठी व तिचे साहित्य कुठे मागे पडायला नको, त्याच्या साठीच हा एक प्रयत्न...
ह्या विभागात वापरण्यात आलेल्या साहित्याचे सर्व हक्क त्या-त्या प्रकाशकाचे किंवा साहित्यकाराचेच. आणि हो कविता आवडल्यास तुमच्या प्रतिक्रीया लिहायला विसरु नका.

Chat with me

Local Time

Live Traffic Feed