Wednesday, August 30, 2006
हवीस तू
स्वप्नातील गोड भास
सत्यातील आस तू
हवीस तू.... हवीस तू
मोहक तू लडीवाळ
मिश्कील आणि खट्याळ
बोल तुझे किती मधाळ
सत्य असून स्वप्न तू
हवीस तू...हवीस तू
गझल तूच नटलेली
सूरात चिंब भिजलेली
हृदयातील श्वासांची
सूरेल एक तान तू
हवीस तू... हवीस तू
स्पर्श तुझा लाजरा
श्वास तुझा मोगरा
पाहूनी तुझ्या अदा
कूस बदलती ऋतू
हवीस तू... हवीस तू
Wednesday, July 19, 2006
करुन बघ
ज़न्माला आली आहेस
थोडं जगून बघ ,
जीवनात दु:ख खूप आहे ,
थोडं सोसून बघ !
चिमुट्भर दु:खाने कोसळू नकोस ,
दु:खाचे पहाड चडून बघ !
यशाची चव चाखून बघ ,
अपयश येत, निरखून बघ ,
डाव मांडणं सोपं असतं ,
थोडं खेळून बघ !
घरटं बांधणं सोपं असतं ,
थोडी मेहनत करुन बघ !
जगणं कठीण असतं , मरणं सोपं असतं ,
दोन्हीतल्या वेदना झेलून बघ !
ज़ीणं - मरणं एक कोडं असतं ,
जाता - जाता एवढं सोडवून बघ !
Friday, July 14, 2006
कधीतरी वाटतं यार
ह्या खांद्यावर डोकं ठेवून
तिला रडावसं वाटावं
काँलेजनंतर मागे थांबून
सोबत बसावसं वाटावं
ज्या स्वप्नांमधे माझ्या
सगळ्या रात्री जागतात
त्या स्वप्नांमधे हरवून
तिलाही जागावसं वाटावं
माझे आसू पुसून तिनं
आमच्या सुखात हसावं
कधीतरी वाटतं यार,
आपलंही कुणीतरी असावं!
छोट्या छोट्या गोष्टींमधे
खोटं खोटं चिडावं
पण, भेटीनंतर निघते म्हणताना
तिचं पाऊल अडावं
बाकी सगळ्या जगाचा
पडेलच विसर तेव्हा
तिनं माझ्या प्रेमात
अगदी आकंठ बुडावं
ह्या छोट्याश्या स्वप्नानं
एकदाच खरं व्हावं
नेहमीच वाटतं यार,
आपलंही कुणी असावं!
Monday, July 10, 2006
यात काही पाप नाही
मोठी E-मेल वाचुन
तुम्ही जेव्हा हसता
आणि अगदि तातडीने
Reply टाकायला बसता
विश्वास ठेवा यात काही पाप नाही .
Office चे resourses न वापरने
या सारखा दुसरा शाप नाही.
जबरदस्त डुलकि येते
Project specifications वाचतांना
Boss धुरकट दिसु लागतो
Meeting मध्ये असतांना
तिथल्या तिथे तुम्ही पेंगु लागता
विश्वास ठेवा यात काही पाप नाही .
Meeting पूर्ण वेळ attend करायला लागणे
या सारखा दुसरा शाप नाही.
Codding, Testing, debuging टाळुन
तुम्ही messenger चालु करता
Documentation करायचे सोडुन
तुम्ही फक्त chatting करता
विश्वास ठेवा यात काही पाप नाही .
documentation करायला लागने
या सारखा दुसरा शाप नाही.
Salary अजुन झाली नाही म्हणून
तुम्ही componyla शिव्या घालता
काम करायचे सोडुन तुम्ही
या विषयावर चर्चा करता
विश्वास ठेवा यात काही पाप नाही .
एवढे काम करुन salary न मिळणे
या सारखा दुसरा शाप नाही.
Friday, June 30, 2006
मैत्रीण
एक तरी मैत्रीण असावी
बाईकवर मागे बसावी
जुनी हीरो होंडा सुद्धा मग
करिझ्माहून झकास दिसावी !
एक तरी मैत्रीण असावी
चारचौघीत उठून दिसावी
बोलली नाही तरी निदान
समोर बघून गोड हसावी !
एक तरी मैत्रीण असावी
कधीतरी सोबत फिरावी
दोघांना एकत्र पाहून
गल्लीतल्या सगळ्या पोरांची जिरावी !
एक तरी मैत्रीण असावी
जिच्याशी निर्मळ संवाद असावा
कधीतरी छोट्या भांडणाचा
एखादाच अपवाद असावा..
एक तरी मैत्रीण असावी
आयुष्याच्या अनोळखी वळणावर
तुमच्या व्यथा वेदनांवर
तिने घालावी हळूच फुंकर..
एक तरी मैत्रीण असावी
जिच्या मैत्रीत विश्वास रुजावा
तुमचासुद्धा खांदा कधी
तिच्या दुःखाने भिजावा..
एक तरी मैत्रीण असावी
चांदणीसारखी मैत्रीच्या आकाशात
मित्रांचे दिवे मावळले म्हणजे
चालावं पुढे तिच्याच प्रकाशात...
Subscribe to:
Posts (Atom)
