बघ माझी आठवण येते का?

मुसळधार पाऊस खिडकीत उभं राहून पहा
बघ माझी आठवण येते का?
हात लांबव, तळहातांवर झेल पावसाचं पाणी
इवलसं तळं पिऊन टाक
बघ माझी आठवण येते का?
वार्‍याने उडणारे पावसाचे थेंब चेहर्‍यावर घे
डोळे मिटून घे, तल्लीन हो
नाहिच जाणवलं काही तर बाहेर पड, समुद्रावर ये
तो उधाणलेला असेलच, पाण्यात पाय बुडवून उभी रहा
वाळू सरकेल पायाखाली, बघ माझी आठवण येते का?
मग चालू लाग, पावसाच्या अगणित सुया टोचून घे
चालत रहा पाऊस थांबेपर्यत, तो थांबणार नाहिच, शेवटी घरी ये
साडी बदलू नकोस, केस पुसू नकोस, पुन्हा त्याच खिडकीत ये
आता नवर्‍याची वाट बघ, बघ माझी आठवण येते का?
दारावर बेल वाजेल, दार उघड, नवरा असेल
त्याच्या हातातली बॅग घे, रेनकोट तो स्वतःच काढ़ेल
तो विचारेल तूला तुझ्या भिजण्याचं कारण, तू म्हणं घर गळतयं
मग चहा कर, तूही घे
तो उठून पंकज उधास लावेल, तो तू बंद कर
शरीराकडे बघ
बघ माझी आठवण येते का?
यानंतर सताड डोळ्यांनी छप्पर पहायला विसरू नकोस
यानंतर बाहेरचा पाऊस नुसता ऐकण्याचा प्रयत्न कर
यानंतर उशीखाली सुरी घे, झोपी जाण्याकिशोरीचं सहेलारे लाव, बघ माझी आठवण येते का?
मग रात्र होईल तो तुला कुशीत घेईल, म्हणेल तू मला आवडतेस
पण तुही तसचं म्हणं
विजांचा कडकडात होईल, ढ़गांचा गडगडाट होईल
तो त्या कुशीवर वळेल, त्याच्या पाठमोर्‍या चा प्रयत्न कर
येत्या पावसाळ्यात एक दिवसतरी, बघ माझी आठवण येते का?
....गारवा

पहिला पाऊस

पहिला पाऊस पहिली आठवण
पहिलं घरटं पहिलं अंगण
पहिली माती पहिला गंध
पहिलं आभाळ पहिलं रान
पहिल्या झोळीत पहिलच पान
पहिले तळहाथ पहिलं प्रेम
पहिल्या सरीचा पहिलाच थेंब
पहिला पाऊस पहिलीच आठवण
पहिल्या घराचं पहिलच अंगण
....गारवा

फ़क्त एकदाच

फ़क्त एकदाच तुला मनसोक्त हसताना पाहायचयं
निदान त्यासाठी तरी मला विदुषक बनून तुझ्यासमोर यायचयं

फ़क्त एकदाच तुझ्या मनातलं सारं काही जाणून घ्यायचयं
निदान त्यासाठी तरी नजरेला नजर भिडवून तासनतास बसायचयं

फ़क्त एकदाच तुझ्या मऊशार केसांतून हळूवार हात फ़िरवायचायं
निदान त्यासाठी तरी एखादा गजरा तुझ्या केसांत घालायचायं

फ़क्त एकदाच तुला माझ्यासाठी बेचैन होताना पाहायचयं
निदान त्यासाठी तरी ठरलेल्या वेळेपेक्षा थोडं ऊशिरा यायचयं

फ़क्त एकदाच तुला अनिवार रडताना पाहायचयं
निदान त्यासाठी तरी मला खोटंखोटं मरायचयं......

पाहुणे

काहो, नवरदेवाला कोणी मित्र नाहीत वाटतं? जेवढे लोकं आली सगळे नोर्मल आहेत... (कोणी घेतलेली दिसत नाहि म्हणुनं विचारलं)

आम्‍लेट

कोंबडीच्‍या अंड्यामधून बाहेर आलं पिल्‍लू ;
अगदी होतं छोटं

आणि उंचीलाही टिल्‍लू !
कोंबडी म्‍ह्‍णाली," पिल्‍लू बाय,

सांग तुला हवे काय ?
किडे हवे तर किडे,

दाणे हवे तर दाणे ;
आणून देईन तुला

हवे असेल ते खाणे !
पिल्‍लू म्‍ह्‍णाले," आई,

दुसरे नको काही
छोट्याशा कपामध्‍ये चहा भरुन दे ,
मला एका अंड्याचे आम्‍लेट करुन दे !
- मंगेश पाडगावकर .

'ति' सावली

संधीप्रकाशात अलग होतानाती उदास पणे म्हणाली
वाटले मीच तुला साथ करत असेन
पण उमजले आता, साथ तुला
माझ्यापेक्षा `ति'चीच ज्यास्त
असताना अस्तित्वाने आनं
नसताना आठवणींनी
रोमा रोमाला, क्षणा क्षणाला!!!
....दिलीप

चारोळ्या


तुझ्याविना....
तुझ्याविना माझी सगळी
वस्तीच बकाळ झाली..
विचार करता करता
न कळत सकाळ झाली..

प्रतिक्षा....
मरण तर कधी ना कधी येणारच आहे...
पण तु ही येशील असा विश्वास आहे !
फक्त कोण आधी येणार ते पहायचे आहे...
तसा आता माझा तुटतो श्वास आहे !!

वेडी आसवे....
तुझ्या घरावरून जाताना
हल्ली तिकडे नजर वळत नाही...
मनाचे ठीक आहे ग
पण आसवांना काहीच कळत नाही.........

पाण्याचा एक थेंब..

पाण्याचा एक थेंब...
तो जर तव्यावर पडला तर त्याच
आस्तित्वचं संपत,
तो जर कमळाच्या पानावर पडला तर....
मोत्यासारखा चमकतो.
आणी जर शिंपल्यात पडला तर...
मोतीच होतो.
पाण्याचा थेंब तोच...
फरक फक्त सहवासाचा !!!!!!!!!

कणा