याउलट माणूस आपल्या गटावर प्रेम करू लागेल तर आपल्यामुळे आपल्या गटाला मोठेपणा कसा प्राप्त होईल याचा तो विचार करील व त्याप्रमाणे कृती करील. आपल्या वर्तणुकीमुळे आपल्या गटाला कमीपणा येणार नाही याचीही तो काळजी घेईल. त्यांत त्याचा स्वतःचा विकास होईल, त्याला गटातच नव्हे तर गटाबाहेरही मान्यता मिळेल व गटाच्या मोठेपणांत भरही पडेल ज्यांतून गटांतील होतकरूंना प्रेरणा मिळेल.
तेव्हा स्वतःची जात, धर्म, भाषा, देश, पक्ष, विसरण्याची गरज नाही. फक्त आपल्या गटाचा अभिमान न बाळगता त्याच्यावर प्रेम करा.
पहा पटतंय का!